2025 оны 6-р сарын 15-ны өдөр Монгол Улсын шатрын спортын түүхэнд тодоор бичигдэх түүхэн амжилт бүртгэгдлээ. Их Британийн нийслэл Лондон хотод энэ сарын 10-15-ны хооронд зохион байгуулагдсан шатрын түргэн тоглолтын багийн дэлхийн аварга шалгаруулах тэмцээнд Монгол Улсын үндэсний шигшээ багийн “Монгол–B” баг амжилттай оролцож, 2400 хүртэл рейтингтэй багуудын ангилалд дэлхийн аварга боллоо.

Монголчууд оюуны спортоор дахин дэлхийд манлайлав

Энэхүү тэмцээнд дэлхийн олон улс орнуудын шилдэг шатарчид оролцож, хурд, бодлого, багийн уялдаа зэргээр өрсөлдсөн. “Монгол–B” багийнхан туршлагатай өрсөлдөгчдөө хожсоор, эцэст нь нэгдүгээр байрт шалгарч алтан медаль хүртсэн нь Монголын шатарын спортын хувьд дэлхийд хүлээн зөвшөөрөгдөж буйг дахин нотоллоо.

Энэ амжилтын мэдээ цахим орчинд хурдтай түгэж, олон нийт Монголын шатарчиддаа баяр хүргэн талархлаа илэрхийлж байна. Тэмцээний зураг, медаль гардуулах ёслолыг дагалдсан постууд дэмжлэг, бахархлаар дүүрэн байна.Монгол Улсын шатрын шигшээ багийн дэлхийн аварга болсон нь зөвхөн спортын төдийгүй оюуны хөгжлийн томоохон үзүүлэлт боллоо. Ирээдүйд улам олон Монгол хүүхэд залуус шатрын спортоор амжилт гаргаж, дэлхийн тавцанд манлайлах итгэлийг энэ ялалт өглөө.