1-р сарын 8-ны лхагва гарагийн орой Руньон хавцал, Ваттлс Паркын голд байрлах Холливудын толгод дээр гал гарч эхэлсэн байна. 

ABC7-ийн мэдээлснээр: Мягмар гарагаас эхлэн хүчтэй салхины улмаас Лос Анжелес дүүргийн томоохон хэсэг түймэрт автаад байгаа бөгөөд өчигдрийн мэдээгээр 19 акр газрыг шатаасан байна. Одоогийн байдлаар 20 гал командын машин дайчлан ажиллаад байгаа юм.

 Түүнчлэн АНУ-ын Ерөнхийлөгч Байден энэ бүсэд болж буй түймэртэй тэмцэх цагдаа, гал команд, онцгой байдлын ажилтнуудтай уулзсан бөгөөд ирэх өдрүүдэд уг асуудалд анхаарлаа төвлөрүүлэхийн тулд Итали руу хийх аяллаа цуцлах шийдвэр гаргажээ. Уг түймэр нь жаргаж буй нар шиг харагдах тул мэргэжилтнүүд Sunset гэж нэрлээд байгаа юм.

Энэ газрын зураг нь Холливудын толгод дахь Sunset түймэр хаана шатаж байгааг харуулж байна. Лорел хавцлын Бульвар (баруун хил), Мюлхолланд Драйв (хойд хил), 101 хурдны зам (зүүн хил), Холливудын Бульвар (өмнөд хил) хүртэл нүүлгэн шилжүүлэх тушаал хүчин төгөлдөр хэвээр байгаа бөгөөд (LAFD) Лос Анжелесийн галын хэлтэсийн төлөөлөгч Маргарет Стюарт оршин суугчдад өмнөд зүг рүү нүүлгэн шилжихийг зөвлөсөн бол хотын захирагч Карен Басс лхагва гарагийн орой  Пан Номхон Далайн амралт чөлөөт цагийн төвд хоргодох байр нээсэн гэж зарласан байна. Одоогийн байдлаар хэдэн хүн эндэж бэртсэн талаар баттай эх сурвалж байхгүй байгаа юм. Мөн уг түймэрээс үүдэн хэд хэдэн олны танил хүмүүсийн гэр галд өртөөд байна.