Л.Номин-Эрдэнэ
Billie Eilish нь 2025 оны 2-р сарын 6-нд “Your Turn” нэртэй шинэ үнэртэй усаа танилцуулсан байна. Энэхүү үнэр нь дулаахан, модон мөн жимсний үнэртэй бөгөөд өдөр, шөнө, бүх улиралд тохиромжтой гэж тодорхойлж байна. 
Үнэрийн бүтэц:
• Дээд нот: Бергамотын хальс, кардамон, шинэ имбирь
• Дунд нот: Вельвет персикийн арьс, жасмин, кокосын ус
• Тамга нот: Австралийн сандал мод, дулаан мускус
Үнэрийн бүтэц гэдэг нь үнэртэй усыг бүрдүүлэгч үндсэн гурван хэсэг буюу "нот"-уудыг хэлдэг.
1. Дээд нот (Top notes): Энэ нь үнэртэй усны дөнгөж үнэртэх явцад үнэртдэг анхны үнэрүүд бөгөөд хэрэглэгч үнэрээ шууд мэдэрч болох ч хамгийн хурдан арилдаг. Энэ хэсэгт ихэвчлэн чихэрлэг, сэрүүн, жимсний үнэрүүд ордог.
2. Дунд нот (Heart notes): Дунд нот нь үнэртэй усны гол үнэр бөгөөд дээд нот арилсны дараа тодорч ирдэг. Энэ хэсэгт цэцгийн, жимсний, дулаан үнэрүүд багтдаг.
3. Тамга нот (Base notes): Энэ нь үнэртнийг хамгийн удаан хугацаанд хадгалдаг бөгөөд үнэрийн төгсгөлд мэдрэгддэг. Модон, мускус, чихэрлэг, ванилин зэрэг үнэрүүд энэ хэсэгт оршдог. Эдгээр нь үнэртэнд гүн, тогтвортой үнэр өгдөг ажээ.
“Your Turn” үнэртэй ус нь Billie Eilish-ын өмнөх гурван үнэртнээс ялгаатай бөгөөд илүү сонирхолтой дизайнтай юм. Үнэрийн сав нь хоёр мөнгөн, хром өнгийн шоо хэлбэртэй аж.
Энэхүү үнэртэй ус нь веган, парабенгүй, амьтанд туршилт хийдэггүй бөгөөд сав баглаа боодлын материал нь 100% сэргээгдэх салхины эрчим хүчээр үйлдвэрлэгдсэн Envirofoil ашиглан хийгдсэн байна. 
Envirofoil нь сэргээгдэх эрчим хүчээр үйлдвэрлэсэн нэгэн төрлийн ногоон, байгальд ээлтэй материал юм. Энэ материал нь орчин үеийн бүтээгдэхүүнүүдийг савлах зориулалтаар ашиглагддаг бөгөөд байгаль орчинд хор хөнөөлгүй, ус болон салхи болон бусад байгалийн нөөцүүдийг ашиглан үйлдвэрлэгддэг.
“Your Turn” үнэртэй ус нь одоогоор Billie Eilish-ын албан ёсны вэбсайт дээр $90 худалдаалагдаж байгаа бөгөөд 2025 оны хавар Ulta Beauty болон бусад дэлгүүрүүдэд худалдаанд гарах төлөвтэй байна. 
Энэхүү шинэ үнэр нь Billie Eilish-ын үнэрийн цуглуулгын дараагийн шат бөгөөд өмнө нь 2021, 2022 онуудад мөн үнэртэй усаа гаргаж байжээ. Энэ удаагийнх түүний өвөрмөц хэв маяг, бүтээлч байдлыг илэрхийлжээ.
