Агаарын чанарын асуудал шүүмжлэл дагуулахтай зэрэгцээд  Улсын онцгой комисс хуралдаж, холбогдох  төрийн байгууллагуудын үйл ажиллагааг уялдуулах чиглэлээр Нийслэлийн онцгой комиссын шуурхай штаб байгуулах шийдвэр гаргажээ. Уг комиссыг Нийслэлийн Засаг дарга ахалж ажиллана. Мөн үүнд Засгийн газрын холбогдох яам, агентлаг, салбарын хяналтын байцаагч нарыг татан оролцуулахаар болсон байна.  Агаарын бохирдлоос хамааралтайгаар эрүүл мэндийн байгууллагын ачаалал ч эрс нэмэгдсэн байгаа юм. Гэтэл Таван толгой түлш компаниас нийтэд хандаж мэдээлэл хийхдээ , мидлингийн дэгдэмхий бодис буюу тоосонцорын хэмжээ 22 хувиас бага байгаа учраас нүдэнд харагдаж байгаа утааны хэмжээ буурах шалтгаан байсан гэлээ. Албан тушаалтнуудыг өгч байгаа мэдээллээр бол бүх зүйл хэвийн байгаа гэх утгатай тайлбар мэдээллийг өгсөн юм.