Нийтийн тээврийн салбарт ажиллаж буй албан хаагчид зөвхөн тээвэрлэлт бус, иргэдийн аюулгүй байдал, амь насыг хамгаалах үйлсэд үлгэр жишээ үзүүлсэн үйл явдал боллоо.

"Зорчигч тээвэр хоёр" ОНӨААТҮГ-ын 2-078 гарааш дугаартай автобусны жолооч Ганхуягийн Эрдэнэбаатар албан үүргээ гүйцэтгэж явах үедээ эрдэнэт хүний амь насыг авран хамгаалжээ.

• Хэзээ: 2026 оны 4 дүгээр сарын 27-ны өдрийн үүрээр.

• Нөхцөл байдал: Чиглэлийн автобусаар үйлчлүүлж байсан зорчигчийн бие гэнэт муудаж, ухаан алдсан байна.

• Шийдвэрлэлт: Жолооч Г.Эрдэнэбаатар цаг алдалгүй шуурхай арга хэмжээ авч, зорчигчид анхан шатны тусламж үзүүлэн, эрүүл мэндийн байгууллагад түргэн шуурхай хүлээлгэн өгсөн байна.

"Хүний амь нас бүхнээс үнэтэй. Жолоочийн сонор сэрэмж, мэргэжлийн ур чадвар, хүнлэг сэтгэлийн ачаар нэгэн гэр бүл элэг бүтэн үлдлээ."

Нийтийн тээврийн салбарын нэр хүндийг өндөрт өргөж, өргөсөн тангарагтаа үнэнчээр ажилласан Г.Эрдэнэбаатар танд нийт иргэдийнхээ нэрээс гүн талархал илэрхийлье.

Эх сурвалж: "Зорчигч тээвэр хоёр" ОНӨААТҮГ