Канадын нэрт реппэр Дрейк стриймэр Адин Росстой  хамтран 2024 оны 12-р сарын 26-нд албан ёсны Kick сувгаараа "хамгийн том бэлэгтэй" нэвтрүүлэгт оролцох болно гэдгээ зарлажээ.Уг шагналын санд:

• Дрейкын төрсөн хот болох Торонто хотын нэг уран бүтээлчид 100 мянган доллар
• Хоёр хүнд 250 мянган доллар
• Мөрөөдлийн аялал хийж өгөх
• Австрали улсад болох Дрейкын тоглолтын билет
• Хоёр хүний бүтэн 1 жилийн байрны түрээс
• Гурван гэр бүлд тус бүр нэг машин
• Нэг ламборгини машин юм уу бенз машин гэх мэт шагналууд багтжээ.

Инстаграм дээр нийтэлсэн албан ёсны мэдэгдлийн видеон дээр Дрэйк яагаад бүх цаг үеийн хамгийн том бэлгийг өгөх стрийминг зохион байгуулахаар шийдсэнээ тайлбарлахдаа

"Хүмүүс надаас миний амьдралын хамгийн сайхан өдөр юу байсан бэ гэж их асуудаг. Гэхдээ миний хариулт үргэлж ижил байдаг. Би 'Gods plan' дууны клипыг хийсэн хоёр өдөр нь миний амьдралын хамгийн сайхан өдрүүд байсан бөгөөд тэр өдрүүдэд бусад хүмүүсийг баярлуулж, тэдний долоо хоног, сар эсвэл жилийг өөрчилсөн нь юугаар ч сольшгүй мэдрэмж байсан. Тийм ч учраас энэ арванхоёрдугаар сарын 26-нд Стейк болон Адин Россын хамт бүх цаг үеийн хамгийн том бэлэгтэй стриминг  ажлыг хийж байна"

Гэж хэлжээ.Түүний бусдыг баярлуулж буй дүрс бичлэгтэй 'God's plan' клип нь түүний замналын хамгийн эерэг уран бүтээл болсон бөгөөд уг дуу нь одоогийн байдлаар youtube дээр 1,6 тэрбум үзэлттэй байгаа юм.