Сөүл хотын цагдаагийн газрын Кибер мөрдөн байцаах хэлтэс K-pop одод мөн тэр дундаа BTS хамтлаг зэргийн гишүүдийн нислэгийн захиалгын мэдээллийг санхүүгийн ашиг олох зорилгоор зардаг нислэгийн компанийн ажилтныг мөрдөн шалгаж эхэлжээ.

Гучаад настай сэжигтэн эмэгтэй 2023-2024 оны хооронд зуу зуун нислэгийн мэдээлэлд хууль бусаар нэвтэрч, тэдгээрийг бусдад худалдсан байж болзошгүй байна. Тэрээр уг эмэгтэйгэйн нэр, царай, ажиллаж байсан компани зэргийг нууцалж байгаа аж.

Агаарын тээврийн компанийн дотоод программ хангамжийг ашиглан алдартнуудын нэр, төрсөн огноог хайж, суудлын дугаар зэрэг хувийн нислэгийн мэдээллийг хууль бусаар олж авсан гэж үзэж байна.

Цагдаа нарын тооцоолсноор, сэжигтэн 1,000 гаруй оддын нислэгийн мэдээллийг задруулж худалдсанаар нийт 10 сая вон буюу Монгол мөнгөөр 25 сая гаруй ашиг олжээ. Тэрээр оддын хэр алдартайгаас шалтгаалан мэдээллийн үнийг нэмэгдүүлж байсан гэжээ.

Мөрдөн байцаалт үргэлжилж байгаа бөгөөд мөрдөгчид хамгийн алдартай алдартнуудын нислэгийн мэдээллийг хууль бусаар худалдах ажиллагаанд холбоотой бусад этгээдүүд байж болзошгүйг мөн судалж байна.

Өмнөд Солонгосын оддын амьдрал ямар хар бараан талтай байдгийн нэг жишээ энэ билээ.