Энэ жилийн Super Bowl LIX буюу Америк хөлбөмбөгийн үндэсний лиг (NFL) -ийн аварга шалгаруулах тоглолт нь энэ оны 2 сарын 9-нд амжилттайгаар болж өнгөрлөө. Super Bowl нь зөвхөн спортын арга хэмжээ биш юм. Америкчууд үүгээр дамжуулан өөрсдийн соёлыг дэлхий дахинд таниулж, мөн тоглолтын завсарлагааны шоу, сурталчилгаа зэрэг нь олон нийтийн анхаарлыг татдаг. Тус арга хэмжээ нь АНУ-ын хамгийн их үзэгчтэй телевизийн нэвтрүүлгүүдийн нэг аж.

2025 оны Super Bowl нь АНУ-ын Шинэ Орлеан (New Orleans) хотод болж өнгөрчээ. Энэ удаагийн аваргын төлөө Филадельфия Иглз (Philadelphia Eagles) болон Канзас-Сити Чифс (Kansas City Chiefs) багууд дахин өрсөлдөж, Филадельфия Иглз (Philadelphia Eagles) баг 40-22 харьцаатайгаар ялалт байгуулж, аваргын цом хүртжээ. Уг ялалт байгуулсан баг нь 2018 онд болсон аваргын цомыг ч мөн адил авч байсан бөгөөд 2025 оны ялалт нь тэдний хоёр дох цом юм.

Энэ аварга шалгаруулах тоглолтын нэг хэсэг болсон Halftime Show буюу завсарлагааны тоглолтыг 17 удаагийн "Грэмми" шагналт, алдарт реппер Кендрик Ламар удирдан явуулжээ. Түүний үзүүлбэр нь үзэгчдээс өндөр үнэлгээ авч, Super Bowl-ын түүхэнд  дурсагдахуйц тоглолтын нэг болсон юм. Мөн уг тоглолтын нийт 133 сая хүн зурагт болон гар утаснаасаа нүд салгалгүй үзсэн гэж эх сурвалжууд мэдээлж байна.