Засгийн газрын ээлжит бус хуралдаанаар 1,072 хувьцааны ногдол ашиг тараах тухай шийдвэр гарчээ. Энэхүү мэдэгдлийг өнөөдөр Ерөнхий сайд Л.Оюун-Эрдэнэ төрийн ордонд мэдээлсэн юм. 
  
Тэрбээр "Төрийн өмчит компаниудын балансыг авч үзээд ашигтай ажиллаж байгааг нь Эрдэнэс Монголын харьяанд авч үлдэнэ. Гурван жил дараалан ашиггүй ажиллаж байгаа компаниудыг нэгтгэх, статусыг өөрчлөхөөр ярилцсан. 

Алдагдалтай ажилладаг байсан "Эрдэнэс Тавантолгой" компани энэ онд 4.3 их наяд төгрөгийн ашигтай ажилласан. Энэ компанийн хувьцаа эзэмшигч иргэн бүр 350 мянган төгрөгийн ногдол ашиг авах боломж бүрдсэн гэсэн үг. Энэ нь ирэх жилээс илүү нэмэгдэх болно. 

"ЭРДЭНЭС ТАВАНТОЛГОЙН НОГДОЛ АШИГ БОЛОХ 350 МЯНГАН ТӨГРӨГИЙГ ИРЭХ ОНЫ 1,2-Р САРУУДАД 3 ХУВААЖ ОЛГОНО"

Гэхдээ одоо иргэн бүрд шууд тараавал инфляц өдөөх том эрсдэл үүсэх учраас ирэх онд гурав хувааж олгох нь зүйтэй гэж үзсэн. Нэг ёсондоо Хуримтлалын санд хуримтлагдаж байгаа 135 мянган төгрөгтэй ижил дүнгээр ногдол ашиг олгогдох юм. 
Тиймээс энэхүү ногдол ашиг ирэх оны 1,2-р сард олгогдоод явна" гэв.