НИТХ-аас өнгөрсөн хоёрдугаар сард тогтоол гаргаж, нийтийн тээврээр үйлчлүүлэх үнийн тарифт зарим өөрчлөлт оруулсан. 2025 оны 1 дүгээр сарын 1-нээс иргэд 1000 төгрөг төлж, хугацаа хамаарахгүй дөрвөн удаа зорчих юм. Энэ талаар Нийтийн тээврийн бодлогын газрын дарга Д.Отгонжаргал дараах тайлбарыг өглөө. 

 

Тэрбээр"  Энэ оны НИТХ-аар таксинаас бусад нийтийн тээврийн үйлчилгээг Нийслэл хотод өдөрт 1000 төгрөгөөр зорчуулах тогтоол гарсан. Энэ тогтоолын хэрэгжилтийг ирэх оны нэгдүгээр сарын 1-ээс хэрэгжүүлэхээр ажиллаж байна. Бид 2014 онд нийтийн тээврийн үйлчилгээний  тарифыг 500 төгрөгөөр тогтоож байсан. Одоо 10 жилийн дараа үнийн тогтолцоог ийнхүү өөрчилж байна. Энэ бол өнгөрсөн онд хийгдсэн судалгаан дээр тулгуурласан бодит дүн юм.

Үргэлжлүүлэн "Одоо хэрэгжих чухал ажил нь нийтийн тээвэрт цахим төлбөрийн систем нэвтрэх гэж байна. Мөн өмнө нь 30 минутад дамжин суух зохицуулалт хийгддэг байсан бол одоо нэг өдөрт буюу 06:00-23:00 цаг хүртэл иргэд 1000 төгрөгөө төлөөд 4 удаа зорчих боломжтой болж байна. Үүнд төлбөрийн аль системээр төлбөрийг төлөх боломжтой" гэв.  

Оюутнууд ирэх оноос эхлэн хөнгөлөлт эдлэхгүй, энгийн тарифаар буюу 1000 төгрөгөөр зорчино

Дашрамд дурдахад Боловсролын тухай хуульд зааснаар оюутнууд хөнгөлөлт эдлэх заалт хүчингүй болсон учир ирэх оноос эхлэн ердийн тариф буюу 1000 төгрөгөөр зорчино. Харин хүүхдүүд  200 төгрөгөөр зорчих юм.