Өнөөдөр буюу 1 сарын 30-ны өдөр Мета компанийн үүсгэн байгуулагч Марк Зүкерберг нь өөрийн цахим хуудсандаа 2025 онд хийж хэрэгжүүлэх шинэ төслүүдээ танилцууллаа. Үүнд:

-Мета группийн 2025 оны зорилт

• Meta AI-ын хөгжил
• AI инженер
• Meta болон RayBan-ын хамтарсан AI-аар хөгжүүлсэн ухаалаг шил
• Llama 4-ыг хөгжүүлэхээр зорьж байгаагаа хэллээ.

1. META AI

Энэ нь Мета компанийн бүх платформууд дээр байрладаг. Бид хүссэн зургаа хиймэл оюун ухааны тусламжтай бүтээгээд зогсохгүй мэдэхийг хүссэнээ асуувал түргэн шуурхай хариултыг өгдөг хиймэл оюун ухаан юм. Өөрөөр хэлбэл Мета компанийн бүх AI-уудын төлөөлөл. 

Тэдний 2025 оны нэн тэргүүний зорилго нь AI-ын хөгжил болон түүнийг дэлхий даяар тэлэх юм. Тэд үүгээрээ хүн болгон өөрийн туслахтай болж, ухаалаг утсыг хэрэглэхэд улам амар болгож байгаагаа илэрхийлсэн юм. Харин Meta AI-ийг илүү хөгжингүй, уян хатан болгоно гэдгээ ч дурдсан юм. Өөрөөр хэлбэл бид өөрсдийн хиймэл оюун ухаанаа ямар байлгахыг хүсэж байгаа түүгээрээ тохируулна. Түүнчлэн дахин давтагдашгүй зөвхөн бидний хүсэлд нийцсэн AI-ыг бүтээж, түүнтэй харилцах боломжийг нээж байгаа юм.

2. AI Инженер

Тэрээр энэ жилд багтаж дунд түвшний инженерийн кодчилол, мөн AI-тээ холбоотой бүх асуудлыг шийдвэрлэх чадамжтай AI агентлаг үүсгэхээ хэлсэн. Үүнийгээ  дэлхийн хамгийн том нээлт болохыг ч мэдэгдсэн юм. Марк Зүкерберг уг үйл явдлын хүрээнд АНУ-ын Манхаттан хотод 2GW+ хүчтэй дата центрийг бариулж үүгээрээ бүх AI-аа хөгжүүлэхээр болсон. Мета групп энэ төсөлд 60-65 тэрбум долларын хөрөнгө оруулахаа мөн адил өөрийн цахим хуудастаа хуваалцжээ.

2GW нь 2 цөмийн реактортай тэнцэхээр хэмжээний эрчим хүчтэй гэсэн үг.

3. Meta болон RayBan-ын хамтрал "Ухаалаг шил"

Уг 2 компани хамтарч 2023 оны 12 сарын 11-нд анхны "хувилбар 1" гэх ухаалаг шилээ танилцуулжээ. Харин маш богино хугацаанд өсөн дэвжсээр "хувилбар 11" гэх шилээ 2024 оны 12 сарын 16-нд танилцуулжээ. Тэд энэ бүтээлдээ цоо шинэ Meta AI-ыг суулгаж, тушаал өгөх төдийд үйлдлийг гүйцэтгэдэг байдлаар бүтээжээ. Бидний мэдэх Avengers киноны Iron man-ын шилний бодит амьдрал дээрх хувилбар гэж хэлж болох юм. Уг шил нь нийтдээ 5-10 сая ширхэг зарагдсан байгааг дурдаж үүнийг AI-ын төгс жишээ мөн ухаалаг хөрөнгө оруулалт гэсэн юм.

4. Llama 4

Мета компани 2023 оны 2 сард Llama гэх Meta AI дээр суурилсан, хүнд интернэт орчинд хэрэгтэй байж болох бүх төрлийн хэрэгцээг хангаж өгөх чадвартай хиймэл оюун ухааныг үүсгэсэн юм. Llama-г бид асуулт асууж, код бичүүлж, орчуулга хийлгүүлж, мөн анализ хийлгэх гэх мэт олон зүйл дээр ашиглах боломжтой. Харин үүний шинэ хувилбар болох Llama 4-ийг хөгжүүлэхээр эрчимтэй ажиллаж байгаа бөгөөд цоо шинэ технологийг бидэнд үзүүлэхээ амласан юм.