Apple компани iPhone, iPad болон Mac төхөөрөмжүүдийн үйлдлийн системийн шинэчлэлтийг дахин бүтээхээр бэлтгэж байна. Bloomberg-ийн мэдээлснээр, iOS 19, iPadOS 19 болон macOS 16 нь Worldwide Developers Conference (WWDC)-т танилцуулагдах бөгөөд эдгээр шинэчлэлт нь өмнөх үеийн дизайнаас маш их өөрчлөгдсөн байх бөгөөд icon, menu, applications, windows болон системийн товчлуурууд хүртэл шинэчлэгдэх болно.

(Worldwide Developers Conference WWDC) нь Apple компанийн жил бүрийн зохион байгуулдаг арга хэмжээ юм. Энэ арга хэмжээ нь хөгжүүлэгчдэд зориулсан бөгөөд Apple-ийн шинэ бүтээгдэхүүн, үйлдлийн системүүдийн шинэчлэлтүүд, технологийн чиг хандлагууд болон хөгжүүлэлтийн шинэ боломжуудыг танилцуулдаг.

Эх сурвалжууд шинэчлэлтийг Apple-ийн түүхийн хамгийн том программ хангамжийн өөрчлөлтүүдийн нэг гэж үзэж байна. Шинэ системээр хэрэглэгчдэд үйлдлийн схемийг хялбаршуулж, төхөөрөмжүүдийг хэрхэн удирдах, хэрхэн гүйлгэхийг илүү ойлгомжтой болгохоор чиглэгдэж байгаа аж.

Bloomberg-ийн мэдээлснээр энэхүү шинэчлэл нь Vision Pro-г бүтээсэн дизайнерын интерфейсийг үндэс болгон ашиглана гэж мэдэгджээ.

“Interface” гэдэг нь системүүд, программ хангамжууд, эсвэл төхөөрөмжүүдийн хооронд харилцан үйлчлэх, мэдээлэл солилцох боломжийг олгодог харилцааны хэсгийг илэрхийлдэг.