Тодруулбал 2024.12.18-ны 21 цагт Хөвсгөл аймгийн Алаг-Эрдэнэ сумын нутаг дэвсгэрт уг хэрэг гарчээ. “Мөсөн дээр явж байсан машин доош цөмөрсөн байна” гэх дуудлага мэдээллийг шалгахад 27 настай, эрэгтэй Э нь Эгийн голоор Toyota Harrier загварын машинтай явж байхад голын мөс цөмрөн, живж нас барсан байна. Хэргийг Хөвсгөл аймгийн Цагдаагийн газар үргэлжлүүлэн шалгаж байна.

Жилийн энэ үед голын мөсний зузаан нэмэгддэг хэдий ч нийт мөсний зузаан харилцан адилгүй байдаг бөгөөд даац нь хүн, мал, машин тэрэг зорчиход хангалттай бэхжээгүй байдаг. Иймд иргэд та бүхэн цаг хожих, зам товчлох зэргээр мөсөн дээгүүр явахгүй байхыг анхааруулж байна.