2013 оны 6 сарын 13-ны өдөр анхны дуугаа цацсан бидний мэдэх BTS хамтлаг нь маш амжилттай явж байгаа Өмнөд Солонгосын томоохон хамтлаг билээ. Харин гишүүд нэг нэгээрээ 2023 оноос эхлэн цэргийн алба хашихаар хөгжмийн карьераа түр завсарлаж байгаагаа мэдэгдсэн билээ. Тэгвэл уг хамтлагийн гишүүн J-Hope нь 2024 оны 10 сарын 17-ны өдөр цэргээс халагдсанаар хөгжмийн амьдралдаа буцан ирж, соло уран бүтээлдээ илүү анхаарлаа хандуулж байгаа юм. Энэ оны 1 сарын 10-нд уран бүтээлч нь өөрийн анхны "Hope on the Stage" гэх аялан тоглолтоо хийх болсноо олон нийтэд зарласан билээ. Тоглолт нь 2-р сараас эхлэн Өмнөд Солонгос улсаас эхлэн АНУ-ын бүс нутгуудаар үргэлжлэх юм.

Тоглолтын хуваариас сонирхуулбал:

• 2 сарын 28 - 3 сарын 2, 2025 : Өмнөд Солонгос, Сөүл хот
• 3 сарын 13 - 14, 2025 : АНУ, Нью-Йорк хот
• 3 сарын 22 - 23, 2025: Мексик, Мексик хот
• 3 сарын 26 - 27, 2025 : АНУ, Сан-Антонио хот
• 3 сарын 31 - 4 сарын 1, 2025 : АНУ, Оакланд хот
• 4 сарын 4 - 6, 2025 : АНУ, Лос Анжелес хот

Цаашлаад Филиппин, Япон, Сингапур, Индонези, Тайланд, Макао, Тайван гэх улсуудаар тоглолтоо хийнэ.

Тоглолтын тасалбарыг livenation.com гэх сайтаас худалдан авна.