ОХУ-ын Баку хотоос Грозный чиглэлд 67 зорчигчтой нисэж явсан Азербайжаны агаарын тээврийн J2-8243 онгоц нисэж байх явцдаа Актау хотын ойролцоо осолджээ. Казахстаны баруун өмнөд хэсэгт орших Актау хотын ойролцоо осолдсон Азербайжаны уг агаарын тээврийн онгоцонд 62 зорчигч, багийн таван гишүүн байсан бөгөөд Казахстаны Эрүүл мэндийн яам  амьд үлдсэн 29 хүний ​​жагсаалтыг нийтэлсэн байна.Эдгээр хүмүүсийн 2 нь бага насны хүүхэд байжээ.Уг нислэг манантай байсан тул Грозный хотоос зүүн тийш 100 милийн зайд орших Оросын Махачкала хот руу чиглүүлсэн гэж Грозный нисэх онгоцны буудлын хэвлэлийн алба Оросын талд мэдэгдсэн байна. Урьдчилсан мөрдөн байцаалтын явцад онгоц шувуудтай мөргөлдөж, онцгой байдлын улмаас ослын буулт хийхээр Актау руу чиглүүлсэн болохыг Оросын агаарын тээврийн агентлаг Росавиациа Telegram дээр нийтэлсэн байна. Мөрдөн байцаалтын ажиллагаа үргэлжилж байгаа бөгөөд уг хэрэгтэй холбоотой нэмэлт мэдээллийг өгөх болно гэж Азербайжаны талаас мэдэгджээ. Онцгой байдлын үед нийт 150 албан хаагч, 45 нэгж техник хэрэгсэлтэйгээр ажилсан байна. Кремлийн хэвлэлийн төлөөлөгч Дмитрий Песков хэлэхдээ, ОХУ-ын ерөнхийлөгч Владимир Путин Азербайжаны ерөнхийлөгч Илхам Алиевтай утсаар холбогдож гүн эмгэнэл илэрхийлжээ. Мөн үүнээс үүдэн 12-р сарын 26-ны өдрийг Азербайжанд үндэсний гашуудлын өдөр болгон зарлажээ.