Хятадын судлаачид 4 хөлтэй "Black Panther 2.0" гэх бусад жирийн роботоос хамаагүй хурдан гүйх чадвартай робот бүтээжээ. 

"Black Panther 2.0” хэмээх уг роботыг Хятадын Mirror Me нэртэй робот хөгжүүлэлтийн шинэ компани болон Жэжян их сургуулийн Механикийн судалгааны төв хамтран хийсэн байна.

84 фунт (38 кг) жинтэй, 0.63 метр өндөр уг робот 100 метрийг 10 секундээс бага хугацаанд гүйх чадвартай. Туршилтаар 10.4 м/с (23.3 миль/цаг) хурдтай байсан нь Usain Bolt-ын 2009 онд тогтоосон 10.44 м/с хурднаас ялимгүй бага үзүүлэлт юм.

Уг роботыг аврах ажиллагаа, ачаа зөөвөрлөлт, цэргийн хэрэглээнд нэвтрэх боломжтой гэж судлаачид үзэж байна.

Энэхүү өндөр хурдыг гаргахын тулд судлаачид роботын дөрвөн хөл бүрд уян хатан, өвдөг шиг нугалардаг холбоос суурилуулсан. Мөн нүүрстөрөгчийн шилэн бэхэлгээг ашиглан бүтцийг нь илүү бат бөх болгож, робот дээд хурдтай явж байх үедээ хэлбэрээ алдахгүй байх нөхцөлийг бүрдүүлжээ.

Нүүрс төрөгчийн шилэн бэхэлгээ нь маш өндөр бат бэх, уян хатан, хөнгөн шинж чанартай тул онгоц, машины эд анги, спортын хэрэгсэл, роботын бүтэц зэрэгт өргөн хэрэглэгддэг. Роботын хувьд энэ материал нь хурдтай хөдөлж байх үед хэлбэрээ алдахгүй, хэт ачааллыг тэсвэрлэх үүрэгтэй.