Засгийн газар ирэх онд зорилтот бүлгийнхнийг орон сууцанд хамруулах бодлого хэрэгжүүлэхтэй холбоотойгоор   Хот байгуулалт, барилга, орон сууцжуулалтын сайд Ж.Батсуурь дараах тайлбарыг өглөө. 

Тэрбээр, Ипотекийн зээлийг 80 м2 хүртэлх орон сууцанд олгохгүй. 50 М2 ХҮРТЭЛХ БАЙРАНД ИПОТЕКИЙН ЗЭЭЛ ОЛГОХ бөгөөд зээлийг анх удаа хүсэж байгаа иргэнд олгоно. Эхлээд байргүй хүмүүсийнхээ хэрэгцээг хангах шаардлагатай байна.

ӨӨРӨӨР ХЭЛБЭЛ, ИПОТЕКИЙН ЗЭЭЛИЙГ ӨМНӨ НЬ АВСАН ХҮМҮҮС ХОЁР ДАХИН АВААД БИЗНЕС БОЛГОХГҮЙ БАЙХ ЁСТОЙ. 

Орлогод нийцсэн орон сууцны ипотекийг залуу гэр бүлд буюу ялангуяа орон нутаг руу шилжин суурьшиж байгаа иргэдэд түлхүү өгнө.  Дээр нь хүүгийн хөнгөлөлт өгнө. 

2025 оноос эхлэн энэ бодлогыг хэрэгжүүлж эхэлнэ.  Мөн ирэх онд Ипотекийн зээл 500 орчим тэрбум төгрөгөөр нэмэгдэж байгаа. Ингэхээр ипотекийн зээлийн эх үүсвэр 1.2 их наяд төгрөг  болно.

500 орчим тэрбум төгрөг дээр дахин ипотекийн зээл авах гэж байгаа 7000 орчим хүн байгаа. Тэр хүмүүс авахгүй болчихоор 7001 дэх хүн ипотекийн зээл авах боломж нь бүрдэнэ гэсэн үг.