АНУ-ын цэргийн нууцлагдсан жижиг сансрын хөлөг X-37B энэ оны 3 сарын 7-нд 434 өдөр дэлхийг тойрсны дараа буцаж ирлээ. Энэ сансрын онгоц нь 2023 оны 12-р сард NASA-ийн Кеннеди сансрын төвөөс нууц даалгавар гүйцэтгэхээр SpaceX-ийн тусламжтайгаар хөөрчээ. 

Уг нислэг нь X-37B хөлгийн долоо дахь нислэг байв. Сансар судлалын байгууллагын удирдлагууд уг даалгавар нь агаарын эсэргүүцлийг ашиглан тойрогт орох боломжтойг харуулсан гэж мэдэгдсэн бөгөөд ингэснээр түлш хэмнэх боломжтой болсон гэжээ.

X-37B бол АНУ-ын Сансрын Хүчний ашигладаг дахин ашиглах боломжтой жижиг сансрын хөлөг юм. Энэ хөлгийг Boeing компани үйлдвэрлэж, хамгийн анхны нислэг нь 2010 онд болсон. Тус хөлөг нь олон төрлийн цэргийн болон сансрын туршилтуудыг хийдэг бөгөөд бүх нислэгүүд нь нууцлагдмал байдаг.