Засгийн газраас нийслэл хотын шатахууны нийлүүлэлт, нөөцийн хүртээмжийг нэмэгдүүлэх чиглэлээр хэрэгжүүлсэн түр зохицуулалтын үр дүнгийн талаар Аж үйлдвэр, эрдэс баялгийн сайд Г.Дамдинням мэдээлэл хийлээ.

Шинэ зохицуулалт хэрэгжиж эхэлснээр иргэдийн өдөр тутмын амьдралд тулгарч байсан олон хүндрэл багасаж, дараах бодит ахицууд гарсныг тэрээр онцолсон юм.

 Шатахуун түгээх хүртээмж 2.4 дахин нэмэгдэв

Шийдвэрийн өмнө: Хотын хэмжээнд өдөрт дунджаар 38,000 автомашин шатахуун авдаг байв.

Шийдвэрийн дараа: Өдөрт шатахуун авах автомашины тоо 115,000 хүрч, хүртээмж даруй 2.4 дахин өссөн байна.

ШТС-уудын хүлээгдэл ба хоосон зогсолт арилж байна

Ажиглагдаж байсан гол дутагдлуудын нэг нь Шатахуун түгээх станцуудын (ШТС) өдрийн нөөц дуусаж, дараагийн цэнэглэлт авах хүртэлх хугацаанд урт очeр, хүлээлт үүсдэг явдал байв. Зохицуулалтын үр дүнд ШТС-ууд тасралтгүй үйл ажиллагаа явуулах боломж бүрдэж, энэхүү хүндрэл багассаар байна гэв.

Дугаарлалт болон замын түгжрэл буурав

Шатахууны хүртээмж сайжирснаар ШТС-уудын гадна үүсдэг байсан автомашины урт дугаарлалт 2 дахин буурч, улмаар хотын замын хөдөлгөөний ачаалал, түгжрэлийг бууруулахад эерэгээр нөлөөлжээ. Сайд Г.Дамдинням мэдээллийнхээ төгсгөлд "Нөхцөл байдлыг ойлгож, хүндрэлийг даван туулахад хамтран ажиллаж байгаа ард иргэд болон аж нэгжүүддээ гүн талархал выраж байна" хэмээн тэмдэглэлээ.