АНУ-ын хамгийн том харилцаа холбооны оператор болох Т-Mobile болон Америкийн сансрын технологийн компани SpaceX нар 2022 оны 8 сард хамтран ажиллах болсноо олон нийтэд зарласан байна. Тэрээр юунд хамтран ажиллах болсноо тайлбарлахдаа, АНУ-ын хөдөө орон нутгийн алслагдсан бүсүүдэд өөрсдийн сүлжээгээ хүргэх байлаа.

Яаж анх хамтрах болов? 

T-Mobile компанийн сүлжээ нь АНУ-ын алслагдсан бүс нутгуудад хүрдэггүй байсан нь маш их асуудал болж байсан аж. Харин SpaceX-ийн хувьд тэдний хиймэл дагуулын интернэт үйлчилгээ амжилттай ажиллаж байсан учир үүнийгээ гар утасны сүлжээнд оруулахыг хүссэнээр хоёр компанийн хамтран ажиллах эхлэл болсон юм. Тэрээр SpaceX зөвхөн АНУ-аар хязгаарлагдахгүй. Цаашлаад бусад улсын харилцаа холбооны операторуудтай харилцах болно гэдгээ онцолжээ.

Энэ хамтын ажиллагааны хүрээнд "T-Mobile Starlink" гэх шинэ үйлчилгээг нэвтрүүлэхээр болсон тул 2023 онд туршилтууд эхэлж, 2024 оны 1 сард анхны хиймэл дагуулуудаа хөөргөж, 2024 оны 2 сараас анхны Бета хувилбаруудыг хэрэглэгчдэд санал болгожээ. T-Mobile ашигладаг хэрэглэгчид хэрэглээний багцаас хамаарч өөр нэмэлт төлбөр төлөн ашиглах боломжтой.

*Бета хувилбар нь бүтээгдэхүүнийг олон нийтэд албан ёсоор нэвтрүүлэхээс өмнө хэрэглэгчдийн туршилтад гаргаж буй хувилбар юм. Энэ нь хэрэглэгчид шинэ үйлчилгээг ашиглаж туршиж үзээд, асуудал гарвал мэдээлэх боломжтой юм.

Харин 2025 оны 7-р сард бүрэн хэмжээний хувилбараа нэвтрүүлэхээр төлөвлөж байгаа аж.