Мета компанийг үүсгэн байгуулагч Марк Цүкерберг энэ оны 1 сарын 6-ны өдөр  цахим хуудсан дээрээ Фэйсбүүк, инстаграмын баримт шалгагчдыг түдгэлзүүлж байгаагаа зарлаж, "Илүү их яриа болон илүү бага алдаа" гэх бичлэгээ хуваалцжээ. Тэрээр энэ мэдэгдэлдээ баримт шалгагчид хэт нэг чигийг баримталдаг, цахим хэрэглэгчид "Мета шорон"-д ордог гэж үзэж мэдээллийг олон нийтээр шүүлгэхээр болсноо хэлсэн юм. 

"Birdwatch" гэх X аппликэйшн дээр ашиглагддаг олон нийтийн санал асуулга болон мэдээллийн үнэн бодитыг шалгадаг функцийг Facebook, Instagram зэрэг платформууд дээр нэвтрүүлэхээр болсноо албан ёсоор зарласан.

МАРК ЦҮКЕРБЕРГ: Өнгөрсөн жилүүдэд маш олон худал мэдээллүүд дэлхий даяар тархаж мөн олон хүмүүс үүнээс болж хохирч байгаа билээ. Харин бид үүнийг багасгахын тулд баримт шалгагчдыг халж,  олон нийтэд мэдээллийг нээлттэй шүүмжлэх эрхийг олгоно.

Түүний уг үйлдлийг одоогийн АНУ-ын ерөнхийлөгч Доналд Трамптай шууд хамааралтай гэж олон эх сурвалж үзэж байгаа юм. Учир нь 2021 оны 1 сарын 6-ны өдөр  Доналд Трампийн огцорсонд ундууцсан дэмжигчид Капиталд танхайрсан хэрэг гарсан билээ. Харин уг үйлдлийг нь Доналд Трамптай шууд холбон, түүнийг уг үймээнд буруутгасан худал мэдээлэл Мета группийн  платформуудаар тархаж бүр цаашлаад Доналд Трампийн цахим эрхийг хязгаарласан билээ. Үүний дараахан Доналд Трамп бичсэн ном дээрээ "Хэрвээ Марк Зүкерберг 2024 оны сонгуульд хөндлөнгөөс оролцвол үлдсэн бүх насаа шоронд өнгөрүүлнэ" хэмээн хуваалцсан нь олны анхааралд өртсөн юм. Мөн эхний ээлжид зөвхөн АНУ даяар хэрэгжүүлж эхлэн цаашдаа амжилт олбол илүү өргөжүүлэхээ дурдсан. Тиймээс манай улсад ч энэ арга барил нь удахгүй хэрэгжиж эхлэн бидний цахим орчинд үзэл бодлоо чөлөөтэй илэрхийлэх боломж улам нэмэгдэж магадгүй билээ.

"Birdwatch" гэж юу вэ?

2021 оны 1 сарын 25-нд Х буюу хуучнаар Twitter нь мэдээллийн үнэн худлыг шалгах шинэ арга барилаа танилцуулсан билээ. Энэ нь буруу ташаа мэдээлэл гэж үзсэн нийтлэлийн доор бусад хэрэглэгчдийн үзэл бодлыг асууж, асуулга хэлбэрээр явагддаг.