Өнөөдөр буюу 2025 оны 1 сарын 30-ны өдөр АНУ-ын нийслэл Вашингтон хотод зорчигч тээврийн нисэх онгоц, цэргийн нисдэг тэрэгтэй мөргөлдөж осолдсон харамсалтай хэрэг гарсан байна. Зорчигч тээвэрлэж байсан American Airlines компанийн CRJ700 онгоц нь Канзас мужаас Вашингтон хот руу нисэж байсан юм. Нийт 60 зорчигч, 4 нисэх онгоцны багийн гишүүд байсан бөгөөд одоогоор 19 цогцос олдсон ба амьд үлдсэн хүн байхгүй байна. Харин цэргийн нисдэг тэрэг нь 3 алба хаагчтай сургуулилтын нислэг байсан гэжээ. Мөргөлдсөн нисдэг тэргүүд Потомак голд унаж, зорчигчийн онгоц хоёр хуваагдаж, нисдэг тэрэг нь доошоо харсан байдалтай олджээ. Одоогоор Холбооны мөрдөх товчоо болон Үндэсний тээврийн аюулгүй байдлын зөвлөл ослын шалтгааныг шалгаж байгаа ба террорист эсвэл гэмт хэргийн шинжтэй зүйл илрүүлээгүй байгаагаа мэдэгджээ. Энэ осолд АНУ-ын ерөнхийлөгч эмгэнэл илэрхийлж, аврагч нарт ч мөн адил талархсанаа илэрхийлэв.