Туркийн 1915 Чанаккале гүүр нь Европ, Ази тивийг холбож, замын хөдөлгөөний хугацааг 93%-аар багасгасан гайхалтай бүтээн байгуулалт юм. Энэ гүүр Дарданы хоолойг дамнан баригдаж, Туркийн Гелиболу (Европ) болон Лапсеки (Ази) хотуудыг холбосон 4,608 метрийн урттай юм. Урьд нь 90 минут зарцуулдаг байсан усан онгоцоор гарах үйлчилгээг халж, ердөө 6 минутын дотор нөгөө эрэгт хүрэх боломжтой болсон. Уг гүүр нь 2017 онд эхэлж, 2022 онд нээлтээ хийжээ.

1915 Чанаккале гүүр нь Туркийн түүхэн ялалтыг хүндэтгэн нэрлэгдсэн бөгөөд Османы эзэнт гүрэн Дэлхийн I дайнд ялалт байгуулсан он цагийг илэрхийлдэг. Мөн уг гүүр нь 2.7 тэрбум долларын өртөгтэй асар том төсөл байжээ. 2023 онд Туркийн Бүгд Найрамдах Улс байгуулагдсаны 100 жилийн ойг мөн бэлгэддэг байна. 318 метрийн өндөр нь Галлиполигийн тулалдаанд амь үрэгдсэн цэргүүдийг дурсах 3-р сарын 18-ны өдрийг илэрхийлнэ. Энэ нь 1998 онд баригдсан Японы Акaши Кайкё гүүрнээс 32 метрээр урт бөгөөд дэлхийн хамгийн урт дүүжин гүүр болсон юм.