АНУ-ын Ерөнхийлөгч Доналд Трамп Украины Ерөнхийлөгч Зеленскийг энэ Баасан гарагт Вашингтонд айлчилж, ховор металлын тухай гэрээнд гарын үсэг зурахаар болсон гэж мэдэгдэв. 

Украины Ерөнхий сайдын “урьдчилсан” гэж тодорхойлсон энэхүү гэрээний дагуу Киев ашигт малтмалын нөөцөөс олсон орлогын тодорхой хэсгийг АНУ-тай хамтран хянах санд шилжүүлэх аж. Энэ хэлэлцээр нь Украины хувьд Трампын хүчтэй дэмжлэгийг авч, Оросын дайныг хурдан дуусгах оролдлогын чухал хэсэг юм.

Гэсэн хэдий ч Ерөнхийлөгч Трамп Украинд аюулгүй байдлын баталгаанууд өгөхгүй гэдгээ хэлжээ. Киев энэ гэрээний хүрээнд АНУ-аас аюулгүй байдлын баталгааг хүсэж байсан ч Трамп “Би аюулгүй байдлын баталгаануудыг өгнө гэж байхгүй. Европын орнууд л өгнө” гэж хэлсэн байна.