АНУ-ын Ерөнхийлөгч Трамп нь 1 сарын 20-нд тангараг өргөж, хоёр дахь бүрэн эрхийн хугацаагаа эхлүүлээд байгаа билээ. Тэрээр ажлынхаа эхний өдрүүдэд хэд хэдэн чухал шийдвэр гаргасан юм. Түүний нэг болох Канад Америкийн нэг муж болох уу? гэх асуулт билээ.

Канад улс нь Хойд Америкт байрлах, дэлхийн хоёр дахь том газар нутагтай мөн 10 муж, 41 сая хүн амтай томоохон тусгаар тогтносон улс билээ. Харин АНУ-тай хил залгаа уг улсын Ерөнхий сайд Жастин Трюдотой уулзах үедээ Ерөнхийлөгч Трамп нэг санал тавьсан нь ил болсон юм. Тэр уг саналаараа Канадыг 51 дэх мужаа болгохыг асуусан бөгөөд ингэснээр Канадчуудын татвар 60 гаруй хувиар буурч, бизнесийн орчин сайжирна гэж хэлжээ. 

Харин уг саналд Канадын байр суурь нь өөрсдийн тусгаар тогтнолоо хадгалж үлдэх байсан ба Канадын Ерөнхий сайд Жастин Трюдо Ерөнхийлөгч Трампын импортын татварын төлөвлөгөөнд санаа зовниж байгаагаа илэрхийлж, хоёр улсын худалдааны харилцаанд сөргөөр нөлөөлж болзошгүйг анхааруулсан байна.

Эдээр үйл явдлууд нь АНУ, Канадын харилцаанд тодорхой хэмжээний хурцадмал байдлыг үүсгээд байна. Цаашид хоёр улсын хоорондын яриа хэлэлцээ хэрхэн өрнөхийг ажиглах шаардлагатай юм.