Агаарын бохирдол их байгаатай холбогдуулан Ерөнхийлөгч У.Хүрэлсүх Засгийн газрын сайд нар, УИХ дахь намуудын бүлгийн дарга нарыг дуудаж уулзсан. Тэгвэл уулзалтын үеэр ямар асуудал яригдсан эсэхэд Батлан хамгаалахын сайд С.Бямбацогт тайлбар өглөө. 

Уулзалтаар " Ерөнхийлөгчийг Ерөнхий сайд байсан 2020 онд агаарын бохирдол 2 дахин буурч утаагүй болж байсан түүхтэй. Тэр үед хүн бүр утааг  шийдэхийн тулд анхаарч байсан , шахмал түлшний асуудлыг шийдсэн, түүхий нүүрс түлэхийг хориглосон, цахилгаан станц болон уурын зуухны шүүлтүүрийг солих зэрэг арга хэмжээг салбар байгууллагууд уялдаа холбоотой ажиллаж хяналтыг маш сайн тавьж байсан тухай ярьж байна. Тиймээс өмнөх системийг сэргээн бид нар салбар хоорондын уялдаа холбоог сайжруулан ажиллаж чадвал утааны асуудлыг шийдэх бүрэн боломжтой гэдгийг онцолсон. 

Мөн яагаад ажлын уялдаа алдагдаж, утаа ихсэв, яагаад МХЕГ-ыг татан буулгав, яагаад Агаар орчны бохирдлын үндэсний хороог татан буулгаж утааг ихэсгэв гэдэг асуудлыг хөндөж ярилаа. Урьд нь хийсэн сайн туршлага байгаад байхад урдхаасаа илүү дордоод байгаа нь та бүхний ажилтай холбоотой гэж ярилаа" гэв. 

Зөндөө хөрөнгө зарж, утааны асуудал хариуцсан олон яам тамгын газартай болчхоод энэ асуудлаа шийдэж чадахгүй байгаа нь та бүхэн ажлаа хийхгүй байгаатай холбоотой шүү гэж сануулж, буух эзэн буцах хаягтай болгож, ажилдаа ор" гэж хэлсэн

Үргэлжлүүлэн тэрбээр  "ЦЕГ, Тагнуулын удирдлагууд оролцлоо. Утааны асуудалд хууль зөрчиж ажилласан хүмүүст хуулийн хариуцлага хүлээлгэхийг даалгалаа. Ерөнхийлөгчийн хувьд бүтэн утаагүй болгож чаддаггүй юм аа гэхэд 2020, 2021 оны хэмжээнд хүргэж яагаад болдоггүй юм бэ, зөндөө хөрөнгө зарж, утааны асуудал хариуцсан олон яам тамгын газартай болчхоод энэ асуудлаа шийдэж чадахгүй байгаа нь та бүхэн ажлаа хийхгүй байгаатай холбоотой шүү гэж сануулж, буух эзэн буцах хаягтай болгож, ажилдаа ор" гэж хэлсэн. 

Мөн шахмал түлшний асуудал яригдсаныг онцоллоо. Ингэхдээ "Шахмал түлшний чийглэгчийн стандарт 5 хувьтай байх ёстой ч одоогийн байдлаар 16 хувьтай байна гэсэн. Хуурай байж аль болох уугихгүй, утаа гардаггүй юм байна. Гэвч чийглэгийн хэмжээ өндөр байгаа учир энэ асуудалд анхаар гэдэг чиглэлийг өгсөн" гэж мэдэгдэв.