Хүний тархи, компьютер хоорондоо шууд холбогдох цаг ирлээ. Киноны хэсэг шиг санагдах энэхүү үзэгдэл бодит болжээ. Neuralink болон Швейцарийн EPFL лаборатори хамтран хийсэн туршилтаар саажилттай өвчтөн бодлоороо текст бичих боломж бий болжээ.

Туршилтын явц

Өвчтөн биеийнхээ доод хэсгийг хөдөлгөж чадахгүй байсан ч, тархиндаа суулгасан жижиг чипийн тусламжтайгаар бодлоо шууд компьютер руу дамжуулж чаджээ. Чип нь бодлыг цифр, үсэг болгон хөрвүүлдэг учир дэлгэц дээр бодож буй үг нь шууд харагдсан байна. Туршилтын үр дүнд нэг минутанд дунджаар 40 үсэг бичиж чаддаг нь шинжлэх ухааны том дэвшил болжээ.

Энэхүү туршилт зөвхөн бичихэд ашиглагдаад зогсохгүй, ирээдүйд хөдөлгөөн, дуу хоолой, хараа зэрэг мэдрэхүйг сэргээх систем хөгжүүлэх эхлэл болж байна.  Зөвхөн шинжлэх ухаан төдий бус, хүний амьдралд шууд хэрэгтэй ирээдүйн хувьсгал юм. Бодол уншдаг чипийн тусламжтайгаар хөдөлгөөнгүй хүн ч бодлоо дэлхийтэй хуваалцаж, харилцах боломжтой боллоо. Энэ нь хүний амьдралын чанарыг сайжруулах  томоохон нээлт болж байна.