АНУ-ын Ерөнхийлөгч Доналд Трамп дэлхий даяар өндөр тариф, татварыг ноогдуулснаар дэлхийн худалдааны нөхцөлийг үндсээр нь өөрчлөх төлөвтэй байна. Тухайлбал, iPhone зэрэг хэрэглэгчийн бүтээгдэхүүнүүд хамгийн их хохирол учруулах магадлалтай гэж шинжээчид мэдэгджээ. Тарифын нэмэгдлийг хэрэв "Apple" хэрэглэгчдэд шилжүүлэх бол iPhone-ийн үнэ 30%-40% өсөх магадлалтай байна 

Одоогоор ихэнх iPhone-ууд Хятадад үйлдвэрлэгдэж байгаа бөгөөд Хятадад 54%-ийн тарифыг ногдуулсан байна. Хэрэв энэ тарифын хэмжээ хэвээр байвал Apple хоёр сонголттой тулах юм.

-Нэмэгдсэн зардлыг өөрөө хариуцах эсвэл хэрэглэгчдэд шилжүүлэх.

Apple-ийн хувьцаа дөрөвдүгээр сарын 3-ны өдөр 9.3%-иар буурч, 2020 оноос хойших анхны муу үзүүлэлт болжээ. 

Шинэ iPhone 16 загварын хамгийн хямд хувилбар нь АНУ-д $799 үнэтэй гарах боловч шинжээчдийн тооцоогоор 43%-ийн үнэ нэмэгдсэн тохиолдолд $1,142 болж өсөх магадлалтай байна. Үүний зэрэгцээ илүү үнэтэй iPhone 16 Pro Max, 6.9 инчийн дэлгэцтэй, 1 Терабайт хадгалагдах хүчин чадалтай хувилбар нь одоогийн $1599-ийн үнээр худалдаалагдаж байгаа боловч 43%-ийн нэмэгдэлтэй бол $2300 орчим болж магадгүй гэж тооцоолж байна.