2003 онд үүсгэн байгуулагдсан Skype нь оргил үедээ хэдэн зуун сая хэрэглэгчтэй, өргөн хэрэглэгддэг програм болж чадсан билээ. Гэвч технологийн аварга Microsoft энэ оны 5-р сарын 5-наас эхлэн 22 жилийн настай энэ интернет дуудлагын үйлчилгээг зогсоохоо мэдэгдэж, хэрэглэгчдэдээ Teams рүү шилжихийг зөвлөжээ.

Microsoft 365-ийн хамтын ажиллагааны апп, платформ хариуцсан ерөнхийлөгч Жефф Тепер CNBC-д өгсөн ярилцлагадаа:

“Бид Skype-ээс олон зүйл сурсан. Тэр бүхнийг Teams хөгжүүлэхэд ашигласан бөгөөд сүүлийн 7-8 жилийн турш Teams-ийг илүү боловсронгуй болгож ирлээ” гэжээ. 

Skype бол олон хүний хувьд интернэтээр дуу, дүрс бичлэгийн дуудлага хийх анхдагч үйлчилгээ байсан юм. Эцэст нь дүгнэхэд гар утас болон үүлэн технологид шилжсэн явдал харилцаа холбооны салбарт асар том өөрчлөлт авчирсан гэж тэмдэглэх нь зүйтэй болов уу.