Жил бүрийн 2 сарын 14-ны өдөр тэмдэглэдэг уг баяр яагаад тийм онцгой гэж? Тэгвэл мэдэж авцгаая.

МЭ 249-р он буюу III-р зуунд Валентин гэх Христийн шашны гэгээнтэн амьдардаг байжээ. Тухайн үед Ромын эзэн хаан Клавдий II нь цэргүүдийг гэр бүлтэй болбол тэд сайн дайчин болж чадахгүй гэж үзэж гэрлэхийг хориглож байжээ. Харин Валентин нь хосуудыг нууцаар гэрлүүлдэг байсан учир хааны дургүйцлийг хүргэж, 2 сарын 14 -ны өдөр цаазлуулсан аж. Тэрээр цаазлуулахынхаа өмнө шоронд байхдаа анхны Валентины захидал буюу "Таны Валентин" гэж бичиж харгалзагчийн охинд өгсөн байж магадгүй гэх домог хүртэл байдаг юм.

496 онд Ромын Пап лам Геласиус I нь Валентиныг гэгээнтэн болгон өргөмжилж, түүний цаазлуулсан өдөр болох 2 сарын 14-ныг Гэгээнтэн Валентины өдөр болгож зарласан гэжээ. Цаг хугацаа өнгөрөхийн хэрээр энэ нь хосуудын сэтгэлээ илчилдэг, хайрын баяр болон хувирчээ.

Уг баяраар жилд дунджаар нэг тэрбум гаруй Валентин карт зарагддаг аж. Энэ нь зул сарын дараах хамгийн олон ил захидал борлуулагддаг  өдөр аж.

Баяраар бие биедээ улаан сарнай өгч солилцдог учир нь Хайрын бурхан Афродитагын дуртай цэцэг байсан гэж. Мөн жил бүр 50 сая гаруй улаан сарнай нь энэ өдөрт худалдаалагддаг гэнэ.

Анх XIX зууны үед Британийн шоколад үйлдвэрлэгч Richard Cadbury нь Валентины өдөрт зориулсан анхны тусгай савлагаатай шоколадыг гаргаж байжээ.

Тэрээр эрэгтэй, эмэгтэй хүмүүс уг баяраар бэлэг өгөхдөө ялгаатай мөнгөн дүн зарцуулдаг гэнэ. АНУ-д ойролцоогоор эрэгтэй хүн $200 орчим зарцуулдаг бол эмэгтэй $100 орчим зарцуулдаг байна.

Мөн бидний мэдэх Дэлхийн долоон гайхамшгын нэг болох Таж Махалыг Энэтхэгийн эзэн хаан Шах Жахан нь эхнэрийнхээ дурсгалд зориулж барьсан нь хамгийн том Валентины бэлэг гэж нэрлэгддэг юм.