АНУ-ын ерөнхийлөгч Доналд Трамп нь 2025 оны 1 сарын 20-ны өдөр ерөнхийлөгчийн тангаргаа өргөсөн. Харин тэр өдрөөс хойш түүний шинэ засаг захиргааны бодлого олон нийтэд ил болсны нэг нь ижил хүйстэн, хүйсээ сольсон хүмүүсийн эрхийн асуудал юм. Тэрээр тангараг өргөсөн өдөртөө "Хүйсийн чиг баримжааны бодит байдлыг сэргээх" тухай зарлигт гарын үсгээ зурсан юм. Уг зарлигаас дурдвал:

• АНУ-ын холбооны газрууд биологийн үндэслэлээр зөвхөн хоёр хүйсийг (эрэгтэй, эмэгтэй) хүлээн зөвшөөрөхийг шаардсан.
• "Хүйсийн үзэл суртал"-тай холбоотой нэр томьёог гэрээ, ажилд авах тодорхойлолт, албан ёсны баримт бичгээс хасахыг тушаасан гэх мэт юм.

Мөн трансжендер хүмүүсийг цэргийн албанд элсэх эрхийг нь хязгаарлах тухай шийдвэр гарсан юм. Харин түүний энэ үйлдлийг хүний эрхийн байгууллагууд болон LGBTQ дэмжигчид хүчтэй шүүмжилж байгаа юм. Дараагийн олны дургуйцлийг хүргэж байгаа асуудал нь хүйс солиулах хагалгааг хязгаарлах тухай юм. Насанд хүрсэн, хүрээгүй бүх хүмүүсийг хагалгаанд орохыг хязгаарласнаар LGBTQ хүмүүсийн хүлээн зөвшөөрөгдөх үйл явцад томоохон ухралт болж байна гэж тэгш эрхийн байгууллагууд үзэж байгаа юм.