2021 оны 11-р сард Лос-Анжелес хотын Холливуд дүүрэгт Америкийн дуучин A$AP Rocky (Раким Майерс) нь хуучин найз, хамтрагч A$AP Relli (Терелл Эфрон)-ийг буудаж гэмтээсэн хэргээр шүүхэд дуудагдсан. Аз болж хамтрагч A$AP Relli нь амьд мэнд байсан ч гэмтлийн улмаас сэтгэл санааны хохирол амссан хэмээн Rocky-г шүүхэд өгчээ. Уг хэргийн улмаас A$AP Rocky-д хагас автомат галт зэвсэг ашиглан халдлага үйлдсэн гэх хоёр зүйл ангиар ял тулгасан бөгөөд хэрэв буруутай нь тогтоогдвол 24 жил хүртэлх хорих ял авах эрсдэлтэй болсон билээ.   

Шүүх хуралдааны үеэр A$AP Relli мэдүүлэг өгч, A$AP Rocky түүн рүү буу чиглүүлж, буудсан гэж мэдэгдсэн ч A$AP Rocky-гийн өмгөөлөгчид энэ мэдүүлгийг няцааж, тухайн үед хэрэглэсэн буу нь зөвхөн дохионы буу байсан бөгөөд жинхэнэ сум агуулаагүй гэж баталсан. Мөн шүүхэд гэрчээр оролцсон A$AP Mob хамтлагийн хоёр гишүүн ч энэ мэдүүлгийг нь дэмжсэн юм. Шүүхийн шийдвэрийн дагуу A$AP Rocky-г буруугүй гэж үзсэн учраас A$AP Relli-ийн мэдүүлэг нотлогдоогүй, өөрөөр хэлбэл түүний хэлсэн зүйл батлагдаагүй мөн худал хэлсэн гэж үзжээ.

2025 оны 2-р сарын 18-нд Лос-Анжелес хотын шүүхийн танхимд болсон шүүх хурлаар шүүгчид богино хугацаанд зөвлөлдсөний эцэст A$AP Rocky-г гэм буруугүй гэж үзэн цагаатгасан байна. Шүүхийн шийдвэр гарсны дараа тэрээр эхнэр болох дуучин Рианнатай хамт баяраа тэмдэглэж, шүүгчдэд хандан “Та бүхэн миний амийг аварлаа” хэмээн талархал илэрхийлжээ.   

Энэхүү шүүхийн шийдвэр нь A$AP Rocky-ийн хууль эрх зүйн асуудлуудын нэгэн чухал хэсэг болж, түүний цаашдын уран бүтээл, хувийн амьдралд эерэг нөлөө үзүүлэхээр байна.