Венесуэлийн Дээд шүүх ТикТокыг гурван хүүхдийг үхэлд хүргэсэн вайрал чэллэнжийг хянаж чадаагүй хэмээн буруутгаж, 10 сая доллароор торгох шийдвэр гаргажээ. Тус компанид (ТИК ТОК) торгуулийг Үндэсний Харилцаа Холбооны Комисст төлөхөд найм хоногийн хугацаа өгсөн байна. Торгуулийн мөнгийг хохирогчдод нөхөн олговор олгох тусгай сан байгуулахад зарцуулна гэж мэдэгджээ. ТикТок уг шийдвэрийг биелүүлэхгүй бол ямар үр дагавар гарахыг шүүх тодорхой дурдаагүй бөгөөд гурван залуу нас барж, бусад олон хүн эдгээр челлэнжд өртсөн гэж хэлсэн боловч дэлгэрэнгүй мэдээлэл өгөөгүй байна.Венесуэлийн засгийн газар өмнө нь олон нийтийн сүлжээний платформд хязгаарлалт тавьж байсан ч Венесуэлчүүд IP хаягаа нуухын тулд Virtual Private Network буюу (VPN) ашиглан нэвтрэх боломжтой хэвээр байна.