"Sunset" түймрээс үүдэн олон мянган оршин суугч гэр орноо орхин зугтахаас өөр аргагүй болжээ. Дүрвэсэн 80 000 гаруй хүний дунд алдартнууд байсан бөгөөд тэдний ихэнх нь энэ бүсд олон жил амьдарсан байна. 

Тухайлбал Лейтон Мистер, Адам Броуди, Анна Фэрис, Рики Лэйк, Кэри Элвес, Камерон Матисон, Спэнсэр Пратт, Хайди Монтаг зэрэг хүмүүс гэр орноо алдсан гэдгээ мэдэгджээ.

Номхон Далайн Палисейдсийн оршин суугч Мариа Шрайвер Инстаграм дээрээ

"Зүрх шимшрүүлэм, итгэхийн аргагүй, үнэхээр аймшигтай байна. Бүх юм шатсан. Манай хөршүүд, ресторанууд бүгд сүйрсэн. Найзууд маань бас бүх зүйлээ алдсан"

 гэж бичжээ.

Парис Хилтон далайн эргийн Малибу байшингийнхаа шатсан үлдэгдлийг харуулсан видео бичлэгийг Инстаграм дээр тавьж, тэнд гэр бүлийнхэнтэйгээ хамт байсан аз жаргалтай дурсамжуудыг дурссан байна. Уг нийтлэлдээ тэрбээр

 "Гэр бүлийнхэнтэйгээ мэдээ үзээд сууж байтал Малибу дахь байшин маань шатаж байгааг телевизээр харах маш гунигтай байлаа. Энэ байшин бол бидний олон үнэт дурсамжийг бий болгосон газар юм. Дааж давшгүй их уй гашуу мэдрэгдэж байгаа ч гэр бүл маань эсэн мэнд байгаад талархаж байна. Түймэрт нэрвэгдсэн гэр бүл бүрийн өмнөөс би зүрх сэтгэлээсээ залбирч байх болно" гэжээ.