Өнөөдөр буюу 1 сарын 29-ны өдрөөс 2 сарын 12-ны өдөр Хятадын томоохон баяруудын нэг болох цагаан сар эхэлж байна. Ази даяар тэмдэглэдэг уг баярыг шинэ оны эхлэл гэж үздэг бөгөөд өв соёлоо, өвгөд дээдсээ хүндлэн жил бүр ёс болгон тэмдэглэдэг юм. Хятадын цагаан сар нь бусад орныг бодвол харьцангуй удаан тэмдэглэдэг, мөн энэ хугацаанд тэд хил болон бүх төрлийн үйлдвэрлэлээ зогсоон амардаг байна. Бүх нийтээрээ амарч удаан уулзаагүй ураг төрлийнхөнтэйгөө уулзаж халуун дулаан уур амьсгалыг бүрдүүлээд зогсохгүй мөн томоохон арга хэмжээ, наадам зохиодог байна. Бидний сайн мэдэх дэнлүү хөөргөх ёслолыг өргөн хүрээтэй тэмдэглэдэг. Дэнлүүг өвгөд дээдэстээ зориулж урд жилийнхээ хийсэн үйл хэргээ дэнлүүтэй хамт нисгэн үддэгээрээ онцлогтой юм.

Сонирхолтой факт: Дэнлүү нь байгальд задардаггүй материалуудаас бүтдэг учир агаараас буусны дараа  шатаагүй үлдсэн хэсэг нь хог хаягдал болж байгальд үлддэг байна.

Мөн 1 сарын 30-ны өдөр Хятадын алдарт галын наадмын өдөр юм. МЭ 600-900 оны үед Ли Тиан гэх Хятад хүн анх бууны дарийг хулс модны хөндий хэсэгт дүүргэж, үүгээрээ салют бууддагийг нээсэн. Үүнээс хойш уг галт наадмыг цагаан сардаа зориулан жил бүр өв соёл болгон хийдэг болжээ. Галт наадмын үеэрх чанга дуу чимээ нь муу муухай бүхнийг үргээдэг хэмээн үздэг.

1 сарын 28-ны өдрөөс 2 сарын 2-ны өдөр хүртэл Хятад улс хил болон үйлдвэрээ хаадаг тул та аялах болон бараа захиалахаа түр азнаарай.