Оросоос Хятад руу Казахстанаар дамжуулан “Сибирийн хүч 2” хийн хоолойн төслийн бэлтгэл ажил хэрэгжиж эхэлсэн талаар ОХУ-ын шадар сайд Александр Новак 12-р сарын 25-нд “Россия-24” телевизийн сувагт өгсөн ярилцлагадаа дурдсан байна. Жилд 45 тэрбум шоо метр шатдаг хий (10 тэрбум шоо метр нь Казахстаны зүүн хойд бүсийн хэрэглээнд, 35 тэрбум шоомерт нь Хятад руу экспортлох) дамжуулах энэхүү төслийн барилгын ажил нь 2025 оны зун эхлэх бөгөөд хийн хоолой зургаан жилийн дотор ашиглалтанд бүрэн орохоор төлөвлөж буй талаар тэрээр онцолжээ.
ОХУ-ын шадар сайд Новакын сүүлийн үеийн мэдэгдлүүд нь Москва “Сибирийн хүч 2”-ийг Монгол Улсаар дамжуулан барих төлөвлөгөөг цуцалсан гэдгийг баталж байгаа юм.

Эх сурвалж: unuudur.com