АНУ-ын Ерөнхийлөгч Доналд Трампын нэмэлт гаалийн татварын хариуд Хятад улс сөрөг арга хэмжээ авч, “бүх төрлийн” дайнд бэлэн гэж мэдэгджээ.

Дэлхийн хоёр том улс худалдааны дайн руу улам ойртож байгаа бөгөөд Трамп Хятадын бүх бараанд нэмэлт татвар ногдуулсны дараа Хятад АНУ-ын хөдөө аж ахуйн бүтээгдэхүүнд 10-15%-ийн гаалийн татвар тогтоож хариу барьсан юм.

Хятадын Элчин сайдын яам X (хуучнаар Twitter)-т: “Хэрэв АНУ нэмэлт татварын дайн, худалдааны дайн, эсвэл өөр дайн хүсэж байгаа бол бид ч бас эцсээ хүртэл тэмцэхэд бэлэн”

Энэ нь Трамп ерөнхийлөгч болсноос хойш Хятадаас гарч буй хамгийн ширүүн мэдэгдлүүдийн нэг бөгөөд Бээжинд Үндэсний Ардын Их Хурлын жил бүрийн чуулга уулзалт болж байгаатай зэрэгцэн гарчээ.

-BBC