Л.Номин-Эрдэнэ
Мягмар гарагт Лондонд болсон ёслолын үеэр "Top Gun" киноны од Том Крузд АНУ-ын Тэнгисийн Цэргийн Флотод оруулсан хувь нэмэр, үнэнч байдлыг нь үнэлэн "Тэнгисийн цэргийн албаны Хүндэт, Олон Нийтийн Үйлчлэлийн (DPS) гэх шагналыг хүртээжээ. Хэвлэлийнхний мэдээлснээр энэ шагнал нь "Тэнгисийн цэргийн албанаас гадуурх энгийн хүний хүлээн авч болох Тэнгисийн цэргийн хамгийн дээд шагнал юм" гэжээ. Тэнгисийн цэргийн нарийн бичгийн дарга Карлос Дел Торо шагналыг гардуулахдаа "Түүний хийсэн ажил үе үеийн Тэнгисийн цэргийн болон Тэнгисийн цэргийн албанд хүчтэй нөлөөлсөн" хэмээн мэдэгджээ.
"Би өнөөдөр ард түмэнд үйлчилж байгаа, мөн урьд урьд нь үйлчилж байсан далайчдыг харуулж нөлөө үзүүлж чадсандаа баяртай байна. Энэ хүчин чармайлт зөвхөн миний төдийгүй, хамт ажилладаг бүх жүжигчид болон багийнхных байлаа. Тэд энэ ажлыг үнэхээр амьдруулдаг хүмүүс юм."
гэж Круз хэвлэлд өгсөн ярилцлагадаа хэлжээ.
Крузын хувьд 1986 оны сонгодог "Top Gun" кинонд Тэнгисийн цэргийн байлдааны нисгэгчийн дүрд тоглосон бол 2022 онд киноны үргэлжлэл болох "Top Gun: Maverick" кинонд тоглосноороо алдартай. Мөн энэ кино нь Бокс оффисоос 1 тэрбум гаруй долларын ашигтай ажиллаж байсан юм байна.
