Бүгд Найрамдах намын захирагч Спенсер Кокс энэ хуулийг гарын үсэг зуралгүйгээр хүчин төгөлдөр болгожээ. 

2025 оны 5-р сарын 7-ноос эхлэн хэрэгжих уг хуульд зөвшөөрөгдөөгүй далбааг байрлуулсан төрийн байгууллагад өдөрт 500 ам.долларын торгууль ногдуулахаар тусгажээ. Зөвхөн АНУ-ын төрийн далбаа, Юта мужийн далбаа, цэргийн далбаа болон хууль тогтоогчдын баталсан цөөн хэдэн далбааг байрлуулахыг зөвшөөрсөн байна.

Хуулийг дэмжигчид төрийн байгууллагууд улс төрийн хувьд төвийг сахих ёстой гэж үзэж байгаа бол эсэргүүцэгчид LGBTQ+ нийгэмлэгийн илэрхийллийг хориглож, орон нутгийн эрх мэдлийг хязгаарлаж байна гэж шүүмжилж байна. LGBTQ+ нийгэмлэгийг дэмждэгээрээ алдартай Солт Лэйк Сити хотын удирдлагууд энэ хуульд хэрхэн хариу үйлдэл үзүүлэхээ хэлэлцэж байгаа гэжээ. Амбан захирагч Кокс улс төрийн төвийг сахих бодлогыг дэмжиж байгаагаа илэрхийлсэн ч уг хуулийн хэрэгжилтийг хэтрүүлсэн байх магадлалтай гэжээ.