Элон Маск энэ оны 2 сарын 23-ны өдөр АНУ-ын Засгийн газрын ажилтнуудад өнгөрсөн долоо хоногийн ажлын үр дүнгээ тайлагнахыг шаардсан имэйл илгээсэн нь олон агентлагийн удирдлагуудын эсэргүүцэлтэй тулгарчээ. Уг имэйлдээ, хэрэв ажилчид шаардлагыг биелүүлэхгүй бол ажлаас халагдах эрсдэлтэй гэж анхааруулсан байна. Харин Холбооны Мөрдөх Товчооны захирал Каш Пател ажилтнуудаа “хариу өгөхгүй” байхыг ажилчдадаа зөвлөсөн байна. 

Маск энэ арга хэмжээг төрийн удирдлагын үр ашгийг нэмэгдүүлэх болон зардлыг багасгах зорилгоор хэрэгжүүлж байгаа гэж мэдэгдсэн боловч зарим агентлагийн удирдлагууд энэ арга хэмжээг хууль бус гэж үзэж, ажилтнуудаа хариу өгөхөөс татгалзахыг зөвлөжээ. 

Энэхүү үйл явдал нь АНУ-ын Засгийн газрын дотоод үйл ажиллагаанд шинэ сорилт, маргаан үүсгэж, удирдлагын арга барил, ажилтнуудын эрхийн асуудлыг дахин хөндөж байна.