Nba -ийн all star тоглогч монголын лигт

Монголын сагсан бөмбөгийн дээд лигийн Selenge Bodons багт АНУ-ын сагсан бөмбөгийн дээд лиг буюу Nba-ийн од тоглогч байсан DeMarcus Cousins тоглохоор болжээ.Уг мэдээллийг Selenge Bodons баг албан ёсны веб сайтаараа дамжуулан олон нийтэд зарласан бол DeMarcus Cousins өөрийн Facebook хаяг дээр

"Би Selenge Bodons багтай гэрээ байгуулж, Монголын сагсан бөмбөгийн лигийн анхны цомыг нь гэртээ авчрахад нь тусална гэдгээ зарлаж байгаадаа баяртай байна! Монголд миний Facebook хөгжөөн дэмжигчид байна уу?"

гэж бичсэн байна. DeMarcus Cousins -ийн хувьд хамгийн сүүлд Т1 лигийн Тайваний Шар айраг Леопардс багт тоглосон бол 2010 оны НБА-гийн драфтаар Сакраменто Кингс багт тав дахь сонголтоор сонгогдож байжээ.Мөн тэрээр НБА -д хийсэн анхны улиралдаа НБА-ийн All-Rookie First Team-д нэрлэгдсэн бол 2015-2018 онд НБА-ийн All-Star багт дөрвөн удаа нэрлэгджээ. Тэрээр мөн Америкийн Нэгдсэн Улсын шигшээ багийн бүрэлдэхүүнд хоёр удаа багтан алтан медаль хүртсэн бөгөөд 2014 онд ФИБА-гийн сагсан бөмбөгийн дэлхийн аварга шалгаруулах тэмцээнд анхныхаа, 2016 онд Рио-гийн Олимпид хоёр дахь удаагаа түрүүлж байсан амжилтын эзэн юм.