Л.Номин-Эрдэнэ
Дэлхийн дахины сүүлийн хэдэн жилд хамгийн их яригдаж байгаа сэдэв бол хиймэл оюун ухаан билээ. Тэгвэл хиймэл оюун ухаан гэж юу вэ? Яагаад хүн бүр үүнийг манай гаригийн ирээдүй гэж харж байна вэ? Мөн түүний сул тал болон давуу талуудыг олцгооё.
Хиймэл оюун ухаан нь 1956 онд Америкийн эрдэмтэд AI (Artificial Intelligence) буюу хиймэл оюун ухааныг тусдаа салбар чиглэл болгон судалгааны ажил эхлүүлэхээр болсноор уг нэрийг анх өгсөн гэнэ. Харин 1966 онд ELIZA гэх бидний сайн мэдэх ChatGPT-тэй төстэй чатбот анх бүтээгдэж байжээ. AI-ийн хөгжлийн шатыг хэд, хэд хувааж авч үздэг байна. Үүнд:
- AI-ийн эхлэл (1600-1950) Английн математикч Алан Тюринг нь "Машин сэтгэж чадах уу?" гэх санааг дэвшүүлж "Тюрингийн тест" гэх хиймэл оюуны шалгуурыг танилцуулж байжээ.
- AI-ийг шинжлэх ухааны салбар болгон хөгжүүлсэн үе (1950-1970) Тэрээр 1956 оны Америкийн эрдэмтдээс үүдэлтэй юм.
- Уналтын үе (1970-1990) AI-ийн хөгжил хурдацтай байсан ч санхүүжилт багасаж, технологийн хязгаарлалттай тулгарсан тул "-ийн өвөл" гэх үе эхэлсэн.
- AI-ийн хурдацтай хөгжил (1990-2010)
- Орчин үеийн AI (2010 оноос хойш)
- AI-ийн ирээдүй (2025 он ба түүнээс цааш)
Хиймэл оюун ухаан нь хүний оюун ухааны чадварыг дуурайж, асуудал шийдвэрлэх, суралцах, логик дүгнэлт хийх зэрэг үүргийг гүйцэтгэж чаддаг компьютерын программ, алгоритм, системийг хэлнэ.
AI хэрхэн ажилдаг вэ?
- Машин сургалт (Machine Learning) – AI өөрөө дата ашиглан суралцдаг арга.
- Гүн сургалт (Deep Learning) – Хүний тархины мэдрэлийн сүлжээтэй төстэй алгоритм ашигладаг.
- Байгалийн хэл боловсруулалт (NLP) – Хүний хэлээр ойлгож, харилцах боломж олгодог (жишээ нь, ChatGPT).
AI-ийг өдөр тутамдаа юунд ашигладаг вэ?
- Виртуал туслах буюу бидний өдөр тутамдаа ашигладаг утас (Siri, Alexa) гэх мэт.
- Газрын зураг буюу Google Maps гэх мэт платформууд дээр ашиглагддаг.
- Бидний өдөр тутамдаа ашигладаг бүх төрлийн аппликейшнууд.
- Чатбот (ChapGPT, Deepseek, Llama)
- Дата хамгаалалт гэх мэт өдөр тутмын жижиг зүйлүүдтэй ч хүртэл маш их хэмжээгээр хамааралтай болсон юм.
Мөн өчигдөр буюу 1 сарын 30-нд орсон Мета компани хиймэл оюун ухааныг хөгжүүлэхээр хамгийн том дата центр барьж байгаагаа хэлсэн билээ.
AI-ийн давуу тал
- Хүний гаргадаг алдаануудыг багасгах
- Мөнгөнд хэмнэлттэй
- Бүтээмжийг сайжруулах
- Хүний ажлыг хялбарчлах
- Шинэ санаа
- 24/7 ажиллагаа
Мөн ямар ч сайн зүйлийн хажуугаар саар зүйл байдаг шиг хиймэл оюун ухаан нь хүн төрөлхтний хүч хөдөлмөрийг аажмаар хулгайлж байгаа юм. Хүн төрөлхтөн бусад амьтдаас сэтгэх чадвараар л ялгаатай гэгдэг ба сэтгэх чадварыг нь хиймэл оюун ухаан бидний өөр тутмын амьдралыг хөнгөвчлөж өгснөөр хулгайлж байгаа юм. Харин бид энэ чигээрээ өөрсдөө хийхээс татгалзаж хиймэл оюун ухааныг өөрсдөөсөө илүү хөгжүүлбэл бидний сайн мэдэх WALL-E кино биеллээ олох билээ.
