АНУ болон Украин Оросын зөвшөөрлийн нөхцөлтэйгөөр 30 хоногийн гал зогсоох гэрээг дэвшүүлж буйгаа мягмар гарагт Саудын Арабд болсон хэлэлцээрийн дараа мэдэгдлээ.

Гал зогсоох гэрээ гэдэг нь дайнд оролцож буй талууд тодорхой хугацаанд байлдааны ажиллагаагаа зогсоох тохиролцоо юм. Гал зогсоох нь энх тайван тогтоох эхний алхам байж болох ч дайны төгсгөл гэсэн үг биш юм.

Мөн АНУ тагнуулын мэдээлэл хуваалцах ажиллагаагаа нэн даруй сэргээж, Украинд үзүүлэх аюулгүй байдлын тусламжаа үргэлжлүүлэх болно гэж хоёр улс хамтарсан мэдэгдэлдээ дурджээ.

“АНУ болон Украин Киевт тогтвортой энх тайвныг сэргээх чиглэлээр чухал алхмуудыг хийлээ. Мөн Украин АНУ-ын санал болгож буй нэн даруй хэрэгжих 30 хоногийн түр гал зогсоох гэрээг хүлээн авахад бэлэн байгаагаа илэрхийлсэн бөгөөд энэхүү гэрээг талууд харилцан зөвшилцсөний үндсэн дээр сунгах боломжтой” гэж мэдэгдэлд дурдсан байна.