Судалгаагаар хуванцар савнаас шингэн уух нь цусны даралт ихсэх эрсдэлтэй болохыг тогтоосон байна. Гол шалтгаан нь Bisphenol A (BPA), фталат зэрэг химийн бодисууд бөгөөд эдгээр нь “дааврын зохицуулалтад нөлөөлдөг” буюу эндокриний тогтолцоонд нөлөөлдөг хорт бодисууд юм.

Хуванцар сав халуунд өртөх эсвэл дахин ашиглагдах үед эдгээр химийн бодисууд усанд уусаж ордог байна. Энэ бодисуудын нөлөөгөөр цусны даралт аажмаар нэмэгдэж, зүрхний үйл ажиллагаанд сөргөөр нөлөөлдөг болохыг судалгаанууд харуулжээ.

BPA агуулсан савнаас шар буурцгийн сүү уусан судалгаанд оролцогчийн цусны даралт хэдхэн цагийн дотор огцом нэмэгдсэн бөгөөд шилэн савнаас уусан хүмүүсийн хувьд ийм нөлөө илрээгүй байна. Судлаачид онцлохдоо, хааяа нэг хэрэглэх нь эрсдэл багатай байж болох ч, хуванцар саваар байнга ус уух нь хорт бодисын хуримтлал үүсгэж, урт хугацаандаа зүрх судасны өвчлөлд хүргэх эрсдэлийг нэмэгдүүлдэг гэжээ. Тиймээс эрүүл мэндийн мэргэжилтнүүд шил эсвэл зэвэрдэггүй ган савыг хэрэглэхийг зөвлөж байгаа аж.