Тайланд улс жилээс жилд ижил хүйстэн хосуудын эрхийг хүлээн зөвшөөрөх чиглэлд ахиц гаргасаар байгаа аж. 2022 оны 6-р сард Тайландын парламент ижил хүйстний иргэний холбоог хуульчлах хуулийн төслийг анхны хэлэлцүүлгээр баталсан бөгөөд уг хуулийн төсөл нь ижил хүйстэн хосуудад зарим эрх, үүргийг олгох зорилготой боловч уламжлалт гэрлэлтийн эрхтэй бүрэн дүйцэхгүй байсаар байжээ.

Гэсэн хэдий ч, 2025 оны 1-р сарын 22-ны өдөр тус улсын парламент “Гэрлэлтийн тэгш байдлын тухай” хуулийг баталж, ижил хүйстний хосуудад гэрлэх эрхийг олгожээ. Энэхүү хууль батлагдсанаар Тайланд нь Зүүн Өмнөд Азийн орнуудаас ижил хүйстний гэрлэлтийг хүлээн зөвшөөрсөн анхны улс болсон байна. 

Хуулийн дагуу ижил хүйстний хосууд гэрлэлтээ хууль ёсны болгосноор санхүүгийн болон эрүүл мэндийн эрх, үрчлэлт, өв залгамжлал зэрэгт уламжлалт хосуудтай адил эрх эдлэх боломжтой болсон юм. Хууль нь батлагдсаны дараа олон зуун ижил хүйстний хосууд Бангкок хотын төвд гэрлэлтээ батлуулж, хуримаа хийсэн байна. 

Тайландын Ерөнхий сайд Паетонгтарн Чинават энэ үйл явдлыг тэмдэглэн, олон арван ЛГБТQ+ хосууд болон идэвхтнүүдийг засгийн газрын байранд урьж, “Энэ нь Тайланд улс олон янз байдлыг хүлээн зөвшөөрч, хайрыг бүх хэлбэрээр хүлээн авахад бэлэн байгааг харуулж байна” гэж мэдэгджээ.