1. Түүхт ойн баяр болон Хүндэт зочин

Ерөнхийлөгч наадамчин олон болон төрийн айлчлал хийж буй БНСУ-ын Ерөнхийлөгчид баярын мэнд хүргэлээ.

• Түүхт ойнууд: Тулгар төрийн 2235 жил, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ой.

• Хүндэт зочин: Бүгд Найрамдах Солонгос Улсын Ерөнхийлөгч И Жэ Мён, гэргий Ким Хе Гён-ы хамт наадмын нээлтэд оролцож буйг онцлов.

2. Түүх, соёлын өвийг хамгаалах чиглэлээр гаргасан Төрийн шийдвэрүүд

Эзэн Богд Чингис хааны өв соёлыг хадгалах, ирээдүй хойчдоо өвлүүлэх чиглэлээр хийгдсэн томоохон ажлуудыг дурдлаа.

• Зарлиг ба шийдвэрүүд: Эзэн Богд Чингис хааны эш хөргийг залах, эртний нийслэл Хархорум хотыг сэргээн байгуулах, морин хуураа эрхэмлэн дээдлэх, Монголын түүхийн иж бүрэн 30 боть номыг шинээр бүтээх зарлиг гаргасан.

• Музей ба тахилга: "Чингис хаан" үндэсний музейг байгуулж, Их хааны Алтан шүтээн, Их цагаан туг, Төрийн хасбуу тамгыг залан шүтээн болгосон. Мөн Хар Зүрх уулыг төрийн тахилгатай болгов.

3. Нэгэн жаранд ганц тохиох "Гал морин жил"

• "Нэгэн жаранд ганц тохиох энэ гал морин жилд Их Эзэн Чингис хааны байгуулсан Их Монгол Улсын 820 жилийн ой тохиож байна. Эвийн хүч, сэтгэлийн хат, ухааны ураар даян дэлхийг төвшитгөн энхжүүлсэн Их Монгол Улс байгуулагдсаны түүхт 820 жилийн тэгш дүүрэн ойн баярын мэнд хүргэе."

4. Олон улсын хэмжээнд хүлээн зөвшөөрөгдсөн "Дэлхийн адууны өдөр"

Монгол адууны соёлыг дэлхийд тунхагласан шинэ уламжлалыг зарлалаа.

• "Монгол Улс “Дэлхийн адууны өдөр”-ийг санаачилсныг НҮБ-ын Ерөнхий Ассамблей баталснаар “Дэлхийн адууны өдөр”-ийг Үндэсний их баяр наадмын энэхүү өдөр дэлхий нийтээр тэмдэглэн өнгөрүүлдэг сайхан уламжлал тогтож байгааг наадамчин олондоо сонордуулж байгаадаа баяртай байна."

5. Ерөөлийн үг

Үгнийхээ төгсгөлд наадамчин олондоо хандан дараах ерөөлийг өргөв:

• "Хүчит бөхчүүдийн дэвээ шаваа хүй мандлаа дүүргэж, аргамаг хурдан хүлгүүдийн төвөргөөн тал нутгаа донсолгож, эрхий мэргэн харваачдын эрчит сум хөх тэнгэртээ исгэрч, саруул ухаант, өндөр заяат миний Монголын ард түмэн хотол олноороо дэнж хотойтол дэлгэр сайхан наадаарай. Морин дэл дээр ассан монгол хүний цог хийморь галын дөл шиг өөдөө бадарч, монгол түмний минь заяа буян өнө мөнхөд дэлгэрч байх болтугай."