Энэ шалгалт бол та хэдийн маань сурсан хугацаандаа өөртөө цуглуулсан мэдлэгээ дуудаж гаргах үе. Тийм болохоор битгий санаа зов гэж хэлмээр байна. Шалгалтын өмнө маш сайн унтаж амрах хэрэгтэй.  Сайн унтаж амраагүй, ядарсан тархи хэрэгтэй мэдээллээ татаж гаргаж ирж чадахгүй гэсэн үг. Хүний ой ухаан өөрөө таних, хадгалах, хэрэгтэй үед нь сэргээн санах чухал үүрэгтэй. Бас мартдаг. Тархи өөрийгөө цэвэрлэж байна гэсэн үг шүү дээ.  Тийм учраас энэ дөрвөн чухал үйл ажиллагааг амжилттай хэрэгжүүлэхийн тулд та унтаж амрах хэрэгтэй гэсэн үг. Шалгалттай өглөө яарахгүй тайван энэ шалгалт зүгээр л нэг өдрийн хичээлтэй адилхан шүү дээ гэж бодох хэрэгтэй. Сандарч, түгшсэнээр сэтгэл зүйн дархлаагүй болж түгшүүрийн нөлөөнд автчихаж байна гэсэн үг. Тиймээс амьсгалаа аваад гаргаад, тайвшраад аль болох дасгал  даалгавруудаа нухацтай сайхан унших.. Энэ бодлого чинь ямар аймаар хэцүү юм бэ гэж бодож болохгүй. Хэцүү гээд бодчихвол тархины гүйцэтгэх үйл ажиллагаанд саад учрах учир аль болох тайвнаар хийж чадах юмнаасаа эхлээд хийх нь зүйтэй. Үүнийг бусад даалгавраа хийснийхээ дараа буцаагаад хийчихнэ дээ гэж бодчихно гэсэн үг. Хэзээ ч шалгалтад бүрэн дүүрэн, хангалттай гэсэн ойлголт байхгүй. Мэдлэг гэдэг агуу учраас хэзээ ч сурч, мэдэж ханахгүй. Дөхүүлж ирээд, нэг өдрийн өмнө уншаад ямар ч үр дүн байхгүй шүү дээ. Тэгэхээр аль болох өөрөө өөрийнхөө Mindset буюу бодол санаагаа өөрчлөөрэй. Одоо нэгэнт цаг хугацаа тулчихсан, шинэ мэдээллийг хүлээж авах хугацаа байхгүй учраас сурсан мэдээллээ тархин дотроосоо таниад санаж гаргаж ирэх нь хамгийн чухал. Тэр үйл ажиллагаан дээр л анхаарлаа төвлөрүүлээрэй.