Өмнөд Солонгосын Үндсэн хуулийн шүүх өнөөдөр буюу дөрвөн сарын 4-ний өдөр Ерөнхийлөгч Юн Сог Ёолыг огцруулах шийдвэрийг баталж, түүнийг албан тушаалаас нь бүрмөсөн чөлөөллөө.

Энэ шийдвэр гарснаар дараагийн ерөнхийлөгчийг сонгох 60 хоногийн дотор сонгууль зохион байгуулах хугацаа эхэлж байна. Харин энэ хугацаанд Ерөнхий сайд Хан Дук Су нь Үндсэн хуулийн шүүхийн 3-р сарын 24-ний шийдвэрийн дагуу түр ерөнхийлөгчөөр томилогджээ.

Энэ шийдвэрийн дараагаар:

• Kospi индекс 1.66%-иар унаж,(Өмнөд Солонгосын хөрөнгийн зах зээлийн гол үзүүлэлт)
• Жижиг хувьцааны Kosdaq 0.85%-иар буурсан бол,(Өмнөд Солонгосын жижиг, дунд, дэвшилтэт технологийн компаниудын хувьцаа арилжаалагддаг хөрөнгийн зах зээлийн индекс)
• Өмнөд Солонгосын воны ханш 1%-иар өссөн байна

Өмнөд Солонгосын Ардчилсан нам уг шийдвэрийг “ард түмний ялалт” гэж тодорхойлсон бол, Юны харьяалагддаг “Ард түмний хүч нам” шүүхийн шийдвэрийг “хүлээн зөвшөөрч байна” хэмээн мэдэгдсэн байна.

Мөн Өмнөд Солонгосын Сангийн сайд, Төв банкны захирал Ли Чан Ён болон санхүүгийн хяналт шалгалтын байгууллагуудын тэргүүнүүдтэй онцгой хурал зарлан, Үндсэн хуулийн шүүхийн шийдвэрийн дараах санхүүгийн болон бодит эдийн засагт үзүүлэх нөлөөг судалж эхэлжээ.