Бээжин хотод  болсон Yongle International Auction дээр тоглоомын ертөнцөд тэсрэлт болсон нэгэн сонирхолтой дуудлага худалдаа явагдлаа. Энд дэлхий дээрх цор ганц, 131 см өндөртэй “Labubu” тоглоом юм.  Бараг хүний хэмжээтэй ховор бүтээл болсон энэхүү Labubu  1.08 сая юань буюу ойролцоогоор 540 сая төгрөгөөр зарагдсан байна.

 Labubu гэж хэн бэ?

 “Labubu” бол Хятадын Pop Mart компанийн бүтээсэн blind-box collectible toy буюу цуглуулгын зориулалттай гэнэтийн савлагаатай тоглоом. Энэ жижиг гаж төрхтэй, сониуч харцтай тоглоом нь Ази даяар, тэр дундаа Z үеийнхэн дунд маш их алдаршиж, “хэт үнэтэй тоглоомын хаан” хэмээн нэрлэгдэх болсон.

Яагаад ийм өндөр үнэтэй вэ?

• Цор ганц хувилбар (one-of-a-kind, хүн шиг том)

•  131 см өндөр – тоглоом гэхээсээ илүү уран баримал мэт!

 • Коллекцлогчдын соёл: Хязгаарлагдмал хэмжээ, алдартнуудын дуртай байдлаас үүдэн үнэ нь тэнгэрт хаддаг болжээ.

 • Алдартнуудын нөлөө: BLACKPINK-ийн Lisa, David Beckham зэрэг одод Labubu цуглуулдгийг ил болгосон нь үнэ өсөхөд шууд нөлөөлсөн.

Дуудлага худалдааны тойм:

 • Нийт 48 төрлийн Pop Mart тоглоом борлуулагдсан

 • Нийт үнэ: 3.73 сая юань

• Нэг тоглоомын дундаж үнэ: 78,000 юань (~39 сая ₮) 

Энэ дуудлага худалдаа нь тоглоом гэдэг ойлголтыг бүрэн өөрчиллөө. Өмнө нь хүүхдийн тоглоом байсан эд зүйлс өнөөдөр NFT, sneaker, art piece-тэй адилхан өндөр үнэ бүхий хөрөнгө болон хувирч байна. Цаашид Pop Mart зэрэг брэндүүд улам бүр инвестици хийх цуглуулгын зах зээлд хүч түрэх нь гарцаагүй боллоо.