Финланд улс найм дахь жилдээ дараалан дэлхийн хамгийн аз жаргалтай орноор нэрлэгдлээ. Энэ нь Дэлхийн Аз Жаргалын Тайлангийн (World Happiness Report) хамгийн сүүлд шинэчлэгдэн гарсан жагсаалтад тэргүүлжээ.

Скандинавын энэ улс дэлхийн аз жаргалын индексийг тэргүүлсээр байгаа нь засгийн газартай итгэлцэл өндөр байх, нийгмийн баталгааны тогтолцоо хүчтэй хөгжсөн, авлига бага, чанартай эрүүл мэндийн үйлчилгээтэй, нийт иргэдийн амьдралын сэтгэл ханамж өндөр зэрэг хүчин зүйлүүдтэй холбоотой гэж судлаачид дүгнэжээ.

Финландын аз жаргалын нууц нь баялаг эсвэл тансаг хэрэглээ биш, харин ажил амьдралын тэнцвэр, байгальтайгаа ойр амьдрах хэв маяг, нийгмийн нягт холбоо зэрэгт оршдог гэж тайланд онцолжээ. Тогтвортой байдал, тэгш байдал, сайн сайхан байдал нь финчүүдийн аз жаргалын үндэс суурь болж байна.